«Ես մի քանի տարի մեկնաբանել եմ իմ երեխաների դպրոց գնալու պատմությունները, այսօր չեմ ուզում դրան անդրադառնալ: Կարծում եմ՝ ամեն ծնող իր երեխայով կուրախանա, պետական դպրոցներում, ինչպես նաև ոչ պետական դպրոցներում ստեղծված իրավիճակն այնպիսին է, ամեն ընտանիքի երեխայի համար հնարավոր է գտնել կրթական ծառայություն: Իմ կենցաղային ընտանեկան խնդիրների մեջ տեսախցիկներով խնդրում եմ մի մտեք»: Այս մասին «Առաջին լրատվական»-ի հետ զրույցում ասաց ԿԳ նախարար Արմեն Աշոտյանը՝ անդրադառնալով որդիների՝ ԱՅԲ դպրոցում սովորելու խնդրին:
Նախարարը նշեց, որ երեկ խորհրդակցություն են անցկացրել նախարարությունում. «Այսօր, ցավոք, ոչ բոլոր երեխաներն են գնացել դպրոց: Մարզերից մի թիվ են ասել, հասարակական կառույցները՝ մեկ այլ թիվ, մինչև սեպտեմբերի 15-ը կփորձենք ճշգրտել իրական թվերը և կփորձենք այնպես անել, որ այս տարի աննախադեպ քիչ թվով երեխաներ չգնան դպրոց»,- ասաց Արմեն Աշոտյանը:
Նախարարը նշեց, որ երեխաների՝ դպրոց չհաճախելու հիմնական պատճառը սոցիալական է:
