Her Universe և Disney Consumer Products ընկերությունները ներկայացրել են կանանց հագուստի նոր հավաքածու՝ «Վրիժառուները» ֆիլմի մոտիվներով։ Այս մասին գրում է Variety-ը:
Հավաքածուն վաճառքի կդրվի մայիսի կեսին: Այն հնարավոր է ձեռք բերել միայն Hot Topic խանութներում:
Marvel-ի սուպերհերոսների ոճով զբաղվել են հիմնականում Her Universe նորաձևության առաջին շոուի հաղթողները, որը կոչվում էր Geek Couture ու անցկացվել է 2014-ին Սան Դիեգոյի Comic-Con փառատոնում:
Հավաքածուի հեղինակների համար ոգեշնչման աղբյուր են ծառայել այնպիսի կերպարներ, ինչպիսիք են Տորը, Երկաթե մարդը, կապիտան Ամերիկան, Սև այրին, Լոկին:
Սա առաջին նման նախագիծը չէ, որին մասնակցում է Hot Topic-ը:
