Գերմանիայում նշում են Բերգեն-Բելզեն համակենտրոնացման ճամբարի ազատագրման 70-ամյակը: Միջոցառմանը մասնակցել են ճամբարի շուրջ 100 բանտարկյալ, զոհվածների հարազատներ, հասարակական կազմակերպությունների ղեկավարներ, դիվանագետներ:
Ճամբարը գոյություն է ունեցել 1940թ., պատերազմի ընթացքում այստեղ զոհվել է շուրջ 52 հազար մարդ` Եվրոպայի տարբեր երկրներից: 1945թ. Բերգեն-Բելզեն ճամբարում մահացել է Աննա Ֆրանկը և նրա քույր Մարգոն: Աննա Ֆրանկի օրագիրը թարգմանվել է աշխարհի շատ լեզուներով: Իր գրառումներում հրեա աղջիկը դիմում է մտացածին ընկերուհուն` նկարագրելով այն ամենը, ինչ կատարվում է իր հետ այն ժամանակ, երբ ընտանիքը թաքնվում էր նացիստների հետապնդումներից Նիդերլանդներում:
«Բերգեն-Բելզեն ճամբարում հատկապես շատ էին երեխաներ ունեցող ընտանիքները: Միայն պատերազմի վերջին տարիներին, մոտավոր գնահատականներով, այստեղ եղել է 14 տարեկանից փոքր շուրջ 3000 երեխա»,- ասել է Գերմանիայի նախագահ Յոահիմ Գաուկը:
Նրա խոսքով` ճամբարում չեն եղել գազախցիկներ և զանգվածային սպանություններ, սակայն մարդիկ մահացել են ցրտից և հիվանդություններից: Ազատագրումից առաջ երեք վերջին ամիսներին այստեղ զոհվել է ավելի քան 35 մարդ: