Ամերիկացի քաղաքագետ, հանրապետական Միթ Ռոմնին, որը 2012թ. նախագահական ընտրություններում պարտվեց Բարաք Օբամային, հայտարարել է, որ ԱՄՆ նախագահի ներկայիս թեկնածու, պետդեպի նախկին ղեկավար Հիլարի Քլինթոնը կարող էր ծախված լինել Ռուսաստանին: Այս մասին Ռոմնին հայտարարել է լրագրող և ռադիոհաղորդավար Հյու Հյուիթի հաղորդմանը:
Ավելի վաղ New York Times թերթը հոդված էր հրապարակել, որում Քլինթոն ընտանիքին պատկանող հիմնադրամին փոխանցված ներդրումները և Uranium One ընկերությանը պատկանող՝ ԱՄՆ-ում և Ղազախստանում ուրանի արդյունահանման արտոնագիր ունեցող «Ռոսատոմի» ձեռքբերումը կապել էր միմյանց:
Միթ Ռոմնին հայտարարել է, որ ցնցված է այդ նյութից: Նրա կարծիքով՝ Քլինթոնը կարող էր Ռուսաստանին վաճառել ուրանի ամերիկյան արտադրության 20%-ը, այնուհետև թաքցներ այդ հանգամանքը` ջնջելով գործին առնչվող նամակագրությունը:
«Կարծում եմ՝ մենք կկարողանայինք իմանալ` կաշառք եղել է թե ոչ, եթե նա չջնջեր հազարավոր էլեկտրոնային նամակներ: Սակայն դրանք շատ և շատ լուրջ փաստեր են»,- կարծում է հանրապետական գործիչը:
