Ֆերգիի համարյա ամեն մի կոմպոզիցիան դառնում է հիթ: Այն բանից հետո, երբ սկսնակ երգչուհուն հրավիրեցին Black Eyed Peas, խումբը ստացավ համաշխարհային ճանաչում: Ֆերգին փորձեց հանդես գալ նաև որպես մենակատար ու նորից հաջողեց: 2006-ին նրա դեբյուտային The Dutchess ալբոմը միանգամից երրորդ տեղը զբաղեցրեց Billboard ամսագրի հիթ-շքերթում:
Անընդհատ առաջանում է նրա տեսահոլովակները նայելու ցանկություն, ինչը և Elle-ն առաջարկում է անել նրա ծննդյան օրով:
Շատերը խոսում էին Black Eyed Peas-ից նրա հնարավոր հեռանալու մասին, սակայն լուրերն այդպես էլ մնացին լուրեր. նա դեռ երաժշտական թիմի կազմում է:
Ավելին՝ Will.I.Am-ը նրա հետ միասին կատարեց Fergalicious երգը: Տեսահոլովակը ամենադիտվածը դարձավ YouTube-ում ու այդպիսին մնաց մի քանի շաբաթ շարունակ: Տեսահոլովակը ամենասեքսուալն էր ճանաչվել Ավստրալիայում MTV Awards մրցանակաբաշխության ժամանակ:
Երգչուհու առաջին ալբոմը մասամբ ինքնակենսագրական է:
Անձնական պատմությունը շարունակվում է նաև Big Girls Don’t Cry փոփ բալլադում: Երգը ներառվել էր նաև Billboardի-ի լավագույն 100 հիթերի մեջ: Ամերիկացի դերասան Մայլո Վենտմիլի մասնակցությամբ հոլովակը նկարահանվել էր 2007-ին: Ֆերգին ինչպես երգում, այնպես էլ կյանքում շարունակում է գնալ առաջ՝ իրեն դրսևորելով այլ ոլորտներում՝ աշխատում է պարֆյումի ու դիզայներական կոշիկի ստեղծման վրա:
A Little Party Never Killed Nobody երգի տեսահոլովակի նկարահանումը, որը որպես սաունդթրեք կցված էր «մեծն Գեթսբին» ֆիլմին, Ֆերգիի համար հեշտ գործ չէր. մինչ որդու՝ Էքսլի ծնունդը մնացել էր մի քանի ամիս: Սակայն այդ հանգամանքը նրան չխանգարեց ստեղծել գեղեցիկ վիդեոպատմություն 1920-ականների ոճով:
Երգչուհու վերջին վիդեոստեղծագործություններից է L.A.LOVE երգը երկար սպասված երկրորդ ալբոմից, որի լույսընծայումը երկրպագուները երազել են մոտ 9 տարի: