Ամերիկացի դիզայներների խումբը (Yolegmma Márquez, Erin Glaberson և Emily Kvale) սառնարան է մշակել, որը ոչ միայն համապատասխանում է դիզայնի ժամանակակից պահանջներին, ծավալին և էներգոխնայողությանը, այլև կարողանում է ջերմոցի պես բույսեր աճացնել, գրում է Kedem.ru-ն:
Էկո-սառանարան Verdant-ը մի ամբողջ էկոհամակարգ է, որտեղ ջերմությունն ու խոնավությունը, որոնք արտազատվում են սառեցման և սառցակալման ժամանակ, կիրառվում են սերմերի, կանաչեղենի և սնկերի աճեցման մեջ:
Բանջարեղենի բաժինը բացառում է բորբոսի առաջացումը, քանի որ բանջարեղենն ու կանաչեղենն այստեղ կախված վիճակում են պահվում: Սառնարանի ջերմոցային բաժինը հագեցած է սենսորային էկրաններով, որոնց օգնությամբ կարելի է կարգավորել ջերմաստիճանը, խոնավությունը և լուսավորության մակարդակը: Սառնարանի բաժինները միմյանց հետ կապված չեն, և հարկավոր չէ անհանգստանալ հոտերի տարածման համար:
Էկո սառնարանն առաջին հերթին նախատեսված է բուսակերների համար, սակայն հարմար կլինի ցանկացած ընտանիքին: Վաճառքում սառնարանի հայտնվելու մասին մանրամասեր չկան: