ԱՄՆ-ի Միջին արևմուտքին և հյուսիսարևելյան շրջաններին նորից ձնամրրիկ է մոտենում, հաղորդում է TASS-ը:
Օդերևութաբանների կանխատեսումներով՝ վատ եղանակային գոտում կհայտնվի մոտ 100 մլն մարդ:
Միջին արևմուտքում ձյան տեղումները կսկսվեն արդեն մի քանի ժամ անց, իսկ հյուսիս-արևելքում՝ երկուշաբթի: Նյու Յորքում, Բոստոնում և Չիկագոյում կարող է տեղալ մինչև 30սմ ձյուն: Կոմունալ ծառայություններն արդեն սկսել են պատրաստել ձյուն մաքրող տեխնիկան:
Իշխանությունները զգուշացնում են, որ երկուշաբթի լարված իրավիճակ է լինելու ճանապարհներին, և խնդրում են մարդկանց խուսափել անձնական ավտոմեքենաներով երթևեկելուց: