Չեխիայի ոստիկանությունը գնահատական է տվել ցուցարարների գործողություններին, ովքեր անցած տարվա նոյեմբեր ամսին ձվեր և այլ առարկաններ են նետել երկրի նախագահ Միլոշ Զեմանի վրա, հաղորդում է «Պրաժսկի տելեգրաֆ»-ը:
Ոստիկանների կարծիքով՝ այս գործողությունները քրեական հանցագործություններ չեն, դրանք հարկավոր է որպես ադմինիստրատիվ օրինախախտումներ գնահատել:
Պարբերականը հիշեցնում է, որ չեխ առաջնորդի վարած քաղաքականությունից դժգոհ մարդիկ Պրահայում անցած տարվա նոյեմբերի 17-ին տեղի ունեցած «թավշե հեղափոխության» 25-ամյակին նվիրված հուշատախտակի բացման արարողության ժամանակ սուլել և ձվեր են նետել նրա վրա: Այդ ժամանակ ոստիկանները ոչ ոքի չեն ձերբակալել:
Ավելի ուշ, դատախազությունը այս դեպքի առթիվ միանգամից երեք դիմում է ստացել և սկսել է ստուգել ոստիկանության գործողությունները:
