Minecraft խաղի օգտատերերի պատրաստած տեսանյութերը YouTube-ում հավաքել է 47 միլիարդ դիտում՝ դառնալով ամենաճանաչված անցումներով հոլովակը և համակարգչային խաղերի գեյմ-փլեյը: Այս մասին հաղորդում է The Guardian պարբերականը՝ հղում կատարելով Octoly ընկերության հետազոտություններին:
Միայն 183 միլիոն դիտում կատարվել է խաղի թողարկողի՝ Mojang ընկերության պաշտոնական ալիքից:
Ըստ Octoly ընկերության տվյալների՝ երկրորդ տեղում է գտնվում Grand Theft Auto-ն՝ 12 միլիարդ դիտումներով, երրորդ տեղում Call of Duty-ին է 10.2 միլիարդ դիտումներով: Չորրորդ տեղում է Angry Birds-ը (6 միլիարդ), հնգյակը եզրափակում է Halo-ն (4.8 միլիարդ):
Minecraft համակարգչային խաղը մշակվել է շվեդ ծրագրավորող Մարկուս Պերսոնի կողմից: Խաղը պաշտոնապես գործարկվել է 2011 թ.: Minecraft-ում խաղացողները թվային խորանարդիկներից քաղաքներ են կառուցում, ինչպես, օրինակ՝ Ջորջ Մարթինի «Սառույցի և հրի երգը» ասքի հիման վրա նկարահանված «Գահերի խաղը» հեռուստասերիալի Վեսթերոս քաղաքը:
