ՄԻԱՎ/ՁԻԱՀ-ի հարցերով ՄԱԿ-ի միացյալ ծրագիրը Վերա Բրեժնևային վերոնշյալ ծրագրի բարի կամքի դեսպան է նշանակել Արևելյան Եվրոպայի և Կենտրոնական Ասիայի երկրներում, գրում է Viva.ua-ն:
Որպես ՄԱԿ-ի բարի կամքի դեսպան` Վերա Բրեժնևան կմասնակցի ՁԻԱՀ-ի պրոֆիլակտիկ քարոզարշավներին, ուշադրություն կդարձնի ՄԻԱՎ վարակով տառապող կանանց խնդիրներին, ներառյալ հիվանդության` մորից երեխային փոխանցվելը:
«Ինձ համար մեծ պատիվ է դառնալ ՄԱԿ-ի բարի կամքի դեսպան Արևելյան Եվրոպայի և Կենտրոնական Ասիայի երկրների համար: Ես զգում եմ, որ միասին մենք կկարողանանք ինչ-որ բան փոխել ՁԻԱՀ-ից տառապող կանանց և աղջիկների կյանքում: Ես նրանցից շատերի հետ եմ շփվել: Նրանք գեղեցիկ և ուժեղ կանայք են, որոնք լուրջ փորձությունների հետ են բախվել, ներառյալ` բժշկական հաստատություններում և նույնիսկ սեփական ընտանիքներում խտրականությունը: Խնդիրը հաղթահարելու ամենալավ միջոցը դրա մասին խոսելն է: Մեր նպատակն է զրոյացնել ՄԻԱՎ վարակի նոր դեպքերը և զրոյացնել խտրականությունը: Մեզանից յուրաքանչյուրը կարող է իր ներդրումն ունենալ, և ես միանում են այդ ջանքերին»,- ասել է Վերան: