Ակտիվիստների խումբն առցանց միջնորդագիր է ստեղծել, որը Disney ստուդիային կոչ է անում մուլտֆիլմ նկարահանել, որի գլխավոր հերոսուհին կլինի Դաուն հիվանդությամբ տառապող աղջնակը: Այս մասին գրում է The Guardian-ը:
Դիմումն այժմ մոտ 58 հազար ստորագրություն է հավաքել:
Միջնորդագրի հեղինակները Սան Ֆրանցիսկոյում բնակվող ամուսնական զույգն է` Քեսթոն և Անդրեա Օտտ-Դալերը: Նրանց դուստրը` մեկամյա Դելանին, Դաուն հիվանդությամբ է տառապում: Ակտիվիստները նշում են, որ Disney-ի մուլտերի հերոսներ շատ հաշմանդամներ են դարձել` թզուկները` «Սպիտակաձյունիկ»-ից, Քվազիմոդոն և խուլ Գաբրիելան` «Ջրահարս»-ից:
«Disney-ը կարող է լավը վատից տարբերել: Երկար տարիներ ստուդիան բարոյականության դասեր է տվել, որոնք սովորեցնում են մեր երեխաներին լավ մարդիկ լինել: Սակայն, դժբախտաբար, մեկ բացթողում է մնում: Կարեկցության, համբերատարության և ընդունելու ինչպիսի հիանալի դաս կարող է տալ Disney-ն այժմ, եթե այդ հաշմանդամներին դարձնի գլխավոր հերոսներ և իր մուլտֆիլմերի գլխավոր հերոսներ»,- ասել են հեղինակները:
