Մոտ հարյուր աշխատող երիտասարդ ծնողներ այսօր հավաքվել էին Կառավարության շենքի մոտ՝ պահանջելու հետ կանչել «Ժամանակավոր անաշխատունակության նպաստների մասին» ՀՀ օրենքի փոփոխությունները, որոնցով նախատեսվում է նվազեցնել աշխատող մայրերի նախածննդյան և հետծննդյան նպաստի չափը։
Ակցիայի մանսակիցները պարզել են «Ով հղիանա, ում բյուջեն լցվի», «Մի խլեք իմ պամպերսի գումարները» «Շքեղության հարկը հանում եք կանանց նպաստը կրճատելով» և այլ կարգախոսերով պաստառներ։ Ծնողներից մի քանիսն ակցիային մասնակցում են իրենց երեխաների հետ։ Նրանք իրենց պահանջով նամակ հանձնեցին ՀՀ Կառավարության դիմումների և նամակների բաժնի պետ Ալեքսանդր Ղազարյանին, որը խոստացավ 15 օրից պատասխան տալ:
