Արաբական միացյալ էմիրություններում բարձրահարկ շենքերի թիվը մի քանի անգամ գերազանցում է Մերձավոր Արևելքի այլ երկրների համանման ցուցանիշները: Այդ պատճառով արտակարգ ծառայությունները ստիպված են գործել չափազանց բարդ պայմաններում:
Աղետալի հետևանքներից խուսափելու համար ԱԷՄ-ում ուսանողները ստեղծել են նոր անօդաչու՝ երկնաքերերում հրդեհների չեզոքացման համար: Այս մասին գրում է The National պարբերականը:
Թռչող սարքը ստացել է «Քաղաքացիական պաշտպանության ուժերին աջակցող անօդաչու» անվանումը: Այն ներկայացրել են ԱՄԷ-ի հյուսիսում գտնվող Աջման էմիրության Գիտության և տեխնոլոգիայի համալսարանի ուսանողները:
Սարքը մարդու օգնության կարիքը չունի: Նավիգացիոն մոդուլի շնորհիվ՝ անօդաչուն կարող է «կապվել» քարտեզի վրա գտնվող կետին կամ շրջանին և պարեկել այնտեղ՝ տեսանկարը փոխանցելով արտակարգ ծառայությունների բջջայիններին:
Այն զինված է նաև գիշերային տեսանելիության սարքով և 30 րոպե կարող է գործել բարձր ծխահարվածության պայմաններում: