«Իսլամական պետություն» խմբավորումը համացանցում հակաամերիկյան քարոզարշավ է տարածում: Այն տեսագրություններ է ներբեռնում, որտեղ միայնակ ահաբեկիչներին կոչ է անում հարձակվել ԱՄՆ-ի բազմաթիվ զբոսաշրջային կենտրոնների վրա, ինչպես նաև մանրամասն պատմում, թե ինչպես տնային պայմաններում ինքնաշեն ռումբեր պատրաստել: Այս մասին հաղորդում է The Telegraph-ը:
Ջիհադիստների կողմնակիցների ֆորումներից մեկում հայտնվել է «Ամերիկայում միայնակ գայլերին: Ինչպես տան խոհանոցում ռումբ պատրաստել, ինչպես նաև զբոսաշրջային վայրերում և այլ օբյեկտներում սարսափի տեսարաններ ստեղծել» վերնագրով տեսագրություն:
Տեսագրությունում ծայրահեղական խմբավորման կողմնակիցները կոչ են անում ռումբեր դնել աշխույժ հասարակական վայրերում` Նյու Յորքում, Լաս Վեգասում և Տեխասում, ինչպես նաև ԱՄՆ-ի մետրոյի բոլոր կայարաններում: