2001 թվականին ԱՄՆ նախագահ Ջորջ Բուշի հրամանով սեպտեմբերի 17-ը հայտարարվել է Սահմանադրության և Քաղաքացիության օր, իսկ սեպտեմբերի 17-23-ը՝ Սահմանադրության շաբաթ, որը սահմանվել է դեռևս 1955-ից:
Պատմականորեն այս օրը նշանավորվել է նրանով, որ 1787թ.-ի սեպտեմբերի 17-ին ԱՄՆ-ում ընդունվել է աշխարհում առաջին Սահմանադրությունը, որը ստորագրել են Կոնգրեսի պատվիրակները՝ 12 նահանգներիից: Դա աշխարհում առաջին Սահմանադրությունն էր, որը հստակ նշում էր քաղաքացու ազատություններն ու իրավունքները՝ որպես երկրի քաղաքացիներ:
Մինչ Սահմանադրության ընդունումը՝ ԱՄՆ բնակիչներն ապրում էին ըստ Համադաշնության հոդվածների:
Սահմանադրության առաջին 10 փոփոխությունները ընդունվել են 1789թ.-ի սեպտեմբերին՝ առաջին Կոնգրեսի կողմից, իսկ ուժի մեջ են մտել 1791թ. դեկտեմբերին:
1940թ. մայիսի երրորդ կիրակին Կոնգրեսը հռչակել է որպես Ամերիկայի օր, որը հետագայում վերանվանվել է Սահմանադրության օր և տեղափոխվել սեպտեմբեր:
Այդ օրն ԱՄՆ-ում հնչում են յուրաքանչյուր քաղաքացու իրավունքների և պարտավորությունների մասին ոգեշնչող ելույթներ:
Ընդունված է նաև, որ այդ օրն ապահովված քաղաքացիները նվիրաբերություններ կատարեն բարեգործական հիմնադրամներին:
