Պարզվում է, որ դերասան Բրեդ Փիթն ապրում է Անջելինա Ջոլիի հետ բացառապես հանուն երեխաների, իսկ իրականում սիրում է իր նախկին կնոջը՝ Ջենիֆեր Էնիսթոնին: Ամեն դեպքում, դրանում համոզված է ոմն Ռոն Բարդ, որն ինքն իրեն դերասանների էքստրասեն և նրանց հին ընկեր է անվանում:
Իր հեղինակավոր կարծիքը Բարդը հայտնել է Daily Mail պարբերականին: Էքստրասենսը պնդում է, որ հենց ինքն է գուշակել Բրեդի և Անջելինայի ճակատագրական հանդիպումը «Միստր և միսիս Սմիթերում»: Ուրիշների ճակատագրերի մասնագետի խոսքերով՝ զույգն արդեն հասցրել է գաղտնի ամուսնանալ, սակայն նրանց միջև սեր չկա:
«Վերջիվերջո, սիրում է Փիթը, թե ոչ՝ կարևորը դա չէ: Բանն այն է, որ նա իրեն նվիրել է վեց երեխաներին և հավատարիմ է մնում հենց այդ երեխաներին»,- պնդում է Բարդը:
«Բրեդը այն տղամարդկանցից է, ովքեր երջանկությունը գտնում են սեփական հոգում: Նա այնպես է վարվում, ինչպես ճիշտ է համարում: Կարծում եմ, Ջոլին շատ խելացի է, նա թակարդն է գցել Փիթին, սակայն Բրեդի համար միևնույն է, քանի որ նա երեխաներին ավելի է սիրում, քան հարաբերությունները»,- ասում է էքստրասենսը:
Դրանից բացի, Փիթը չի կարող չմտածել իր վարկանիշի մասին, որը կտապալվի այն դեպքում, եթե նա բաժանվի Ջոլիից:
«Երբ դու մեծ աստղ ես և լքում ես Ջենիֆեր Էնիսթոնի պես մեկին, ապա աշխարհը տարիներով քննադատում է քեզ, իսկ այժմ լքել վեց երեխաների… Ինչ կլինի նրա վարկանիշի հետ… Նա կկործանվի»,-բացատրել է Բարդը: Ընդ որում, նա կարծում է, որ զույգը առնվազն ինը երեխա կունենա:
Բարդը հերքում է, թե ժամանակին ինքն է խորհուրդ տվել իր աստղային հաճախորդին հանուն Ջոլիի լքել Էնիսթոնին: Նա համոզված է, որ Բրեդը դեռ սիրում է իր նախկին կնոջը: «Ես կարծում եմ, որ նա դեռ սիրում է Ջենիֆերին, կարծում եմ, միշտ էլ սիրել է, սակայն չափազանց շատ բաներ են տեղի ունեցել»,- բացատրում է էքստրանսենսը:
Փիթի և Ջոլիի ներկայացուցիչներն առայժմ չեն մեկնաբանել այս բացահայտումները: