Spice Girls-ի նախկին մասնակից և նորաձևության դիզայներ Վիկտորյա Բեքհեմն իր Twitter-ում հրապարակել է զգեստի լուսանկար: Նրա խոսքով՝ ինքը դրանով է եղել առաջին հանդիպմանը իր ամուսնու՝ հայտնի ֆուտբոլիստ Դևիդ Բեքհեմի հետ:
«Տեսեք, թե ինչ եմ գտել: Սա այն զգեստն է, որը ես հագել էի Դևիդի հետ առաջին հանդիպմանը»,- գրել է Վիկտորյան:
Fashionista.com-ի բլոգերները նկատել են, որ այդ թավշակաշվե մինի զգեստով Վիկտորյան նկարվել է Spice Girls-ի մասին Spice World ֆիլմի ցուցապաստառի համար: Ֆիլմը թողարկվել է 1997 թվականին՝ մոտավորապես հենց այն ժամանակ, երբ Վիկտորյան սկսել է հանդիպել Դևիդի հետ: Զգեստի լուսանկարն արդեն մոտ 6000 ռեթվիթ է ստացել:
Հիշեցնենք, որ զույգն ամուսնացել է 1999-ի հուլիսի 4-ին: Վիկտորյան և Դևիդն ունեն 4 երեխաներ:
