Այն բանից հետո , երբ Ջեսիկա Ալբան այցելել էր Women in Film & TV մրցանակաբաշխությանը, դերասանուհին մեկնել էր FOX and Friends հեռուստաընկերություն:
Հարցազրույցի ժամանակ Ալբան ընդունել է, որ նախկինում կտրականապես հրաժարվում էր բաց ֆոտոշարքերից, բայց որոշ ժամանակ անց փոխեց իր դիրքորոշումը:
«Ես արդեն չեմ ասում, որ երբեք մերկ չեմ նկարահանվի, բայց հիմա նման աշխատանքների անհրաժեշտությունը չկա և մինչ այս պահը չի էլ եղել: Եթե դա մի օր տեղի ունենա, ես ինձ շատ անհարմար կզգամ պապիկիս և տատիկիս առաջ: Ինչպես կարող եմ դրանից հետո նայել նրանց աչքերի մեջ: Ես չգիտեմ, երևի ես շատ հնաոճ եմ»,- ասել է նա:
Այն հարցին, թե ինչպես է Ջեսիկան ամեն ինչ հասցնում, նա պատասխանել է, որ ոչ մի գաղտնիք չունի, ուղղակի փորձում է ամեն ինչ հավասարակշռել:
