Պենտագոնն ԱՄՆ Կոնգրեսին տեղեկացրել է Ռոսոբորոնէքսպորտից» աֆղանական բանակի համար12 լրացուցիչ «Մի-17» ուղղաթիռ գնելու մասին: Այս մասին, ըստ ITAR-TASS-ի, հունիսի 13-ին հայտարարել է ադմինիստրացիայի ներկայացուցիչը:
Գործարքի գումարը գնահատվում է 217.7 մլն դոլար: Ադմինիստրացիայի ներկայացուցիչը հայտարարել է, որ Պենտագոնն ավելի վաղ որոշել էր այս տարում «Ռոսոբորոնէքսպորտի» մոտ պատվիրել 2 «Մի-17» ուղղաթիռ` Աֆղանստանում կործանվածների փոխարեն, սակայն վերջին օերերին որոշում է կայացրել գնել ևս 10 ուղղաթիռ: Այս մասին ռազմական գերատեսչությունը տեղեկացրել էր հանրապետական սենատոր Ջոն Քորնինին:
«Ռոսոբորոնէքսպորտից» ուղղաթիռների գնման վերաբերյալ ռուս-ամերիկյան գործարքը կնքվել էր 2011թ. մայիսի 26-ին: Գործարքի կնքման արժեքն այն ժամանակ կազմել էր 375.05 մլն դոլար:
Ներկայում Ռուսաստանն արդեն կատարել է Աֆղանստանի համար նախատեսված 21 միավոր ուղղաթիռների պատվեր: Գործարքը նախատեսում է նաև պահեստային մասերի տրամադրում, նյութատեխնիկական ծառայությունների տրամադրում: Բացի այդ`այն ներառում է հնարավորություն` ուղղաթիռների համար գնել հավելյալ պահեստամասեր:
Սակայն դրան կտրուկ դեմ են ԱՄՆ Կոնգրեսի առանձին անդամներ, որոնք պահանջում են պատժել Ռուսաստանին` Սիրիային զենք մատակարարելու համար: Պենտագոնում, սակայն, նշում են, որ «Մի-17»-երը ամերիկյան նմանատիպ ուղղաթիռներից էժան են ու այն աֆղանցի օդաչուները հեշտ են կառավարում:
