Ռուս գիտնականներն իրենց արտասահմանցի գործընկերների հետ մարդկանց ազատել են Բերինգիայի տարածքում՝ Ալյասկայում և հյուսիս-արևելյան Սիբիրում, մամոնտների ոչնչացման մեղադրանքներից: Այս մասին հայտնում է Nature News-ը:
Հետազոտական աշխատանքների ընթացքում հնէաբաններն ուսումնասիրել են 1300 տեսակի մամոնտների մնացորդները, որոնք հայտնաբերվել են վերը նշված տարածքներից և Չուկոտկայից: Գիտնականները կազմել են նրանց անհետացման հետևյալ պատկերը:
45-30 հազար տարի առաջ մամոնտներ ապրում շատ վայրերում: Այդ մասին են վկայում տարբեր վայրերում հայտնաբերված 300 մնացորդները, որոնք թվագրվում են այդ ժամանակաշրջանին: 30 հազար տարի առաջ տեղի է ունեցել տաքացում, ինչի հետևանքով Բերինգիայի հյուսիսային հատվածը պատվել է տորֆային ճահճով, մամոնտների հիմնական կերը՝ թփերն ու խոտերն անհետացել են:
Կենդանիները գաղթել են հարավ, իսկ 20 հազար տարի առաջ ժամանակակից Ասիայի տարածքում և հյուսիսային Ամերիկայում պոպուլյացիոն բում ապրել: 11,5 հազար տարի առաջ հերթական տաքացումը հանգեցրել է նրան, որ մամոնտներն իսպառ վերացել են: Այդ կենդանիների վերջին հայտնի պոպուլյացիան գոյություն է ունեցել 4000 տարի առաջ՝ Վրանգելի կղզում:
Գիտնականների խոսքով՝ նոր արդյունքները ցույց են տալիս, որ մամոնտների պոպուլյացիայի դինամիկան բացառապես կախված է եղել կլիմայից:
Մինչ օրս գրեթե վկայություններ չկան այն մասին, որ մարդը մամոնտ է որսացել: Մամոնտները մոտ են եղել ժամանակակից փղերին, ապրել են մեծ խմբերով: Փիղը մարդուց արագ է վազում, և եթե մարդը զինված չէ հրազենով, ապա նրան որսալը բացառված է:
