ՄԱԿ-ի և Արաբական երկրների լիգայի հատուկ պատվիրակ Քովի Անանի` Սիրիայում իրավիճակի կարգավորման վերաբերյալ ծրագիրն արդեն գործում է, իսկ ՄԱԿ-ի վերահսկողությունը արդյունավետ է: Այս մասին հայտարարել է ՌԴ ԱԳՆ տեղակալ Գենադի Գատիլովը:
«ՄԱԿ-ի առաքելության ղեկավարը զեկուցել է, որ Սիրիայում բռնության ծավալները նվազել են: Դա նշանակում է, որ Անանի ծրագիրը գործում է, և ՄԱԿ-ի վերահսկողությունը արդյունավետ է»,- հայտնում է Գատիլովը:
Ներկայումս Սիրիայում գործում է զինադադարի համաձայնություն:
Հիշեցնենք, որ ապրիլի 15-ին Սիրիա է ժամանել ՄԱԿ-ի դիտորդների առաջին խումբը, որը հետևում է համաձայնության կատարմանը:
Սիրիայում մեկ տարուց ավել է, ինչ չեն դադարում հակակառավարական ելույթները, որոնց պատճառով, ըստ ՄԱԿ-ի տվյալների, մահացել է ավել քան 9 հազար մարդ:
