Բրիտանական մամուլի տեղեկացմամբ Եվրոպայի Լիգայի Գավաթի խաղարկության 1/8 եզրափակիչի շրջանակներում «Սպորտինգ»-ի հետ կայանալիք պատասխան հանդիպման ժամանակ Ռոբերտո Մանչինին ցանկանում է խաղադաշտում տեսնել հզոր «Մանչեսթեր Սիթի»` չնայած, որ ներկայումս իր թիմը վատ մարզավիճակում է գտնվում:
Անցած շաբաթվա ընթացքում «քաղաքայիններ»-ը նվազագույն հաշվով պարտություն կրեցին Լիսաբոնում, ինչպես նաև նույն հաշվով արտագնա խաղում պարտվեցին «Սուոնսի»-ին: Արդյունքում` մանչեսթերյան ակումբը Պրեմիեր Լիգայի մրցաշարայի աղյուսակի առաջին հորիզոնականը զիջեց «Մանչեսթեր Յունայթեդ»-ին:
«Պորտուգալիայում և «Սուոնսի»-ի հետ անցկացրած հանդիպման ընթացքում մենք չցուցադրեցինք մեզ բնորոշ ֆուտբոլ: Չի կարելի ասել, որ արժանի էինք այդ պարտություններին, սակայն անհրաժեշտ է ավելի լավ խաղալ: Մենք լացելու ժամանակ չունենք: Պետք է ուժեղ լինենք և շարունակենք առաջ շարժվել»,- հայտարարել է Մանչինին:
