Չեմպիոնների Լիգայի գավաթի 2011/12թթ. խաղարկության 1/8 եզրափակիչի շրջանակներում Լոնդոնի «Չելսի»-ն սեփական հարկի տակ իր ուժերը չափեց «Նապոլի»-ի հետ: «Սթեմֆորդ Բրիջ» մարզադաշտում հավաքված հանդիսականները հրաշքի ականատես եղան: Ռոբերտ դի Մատեոյի սաներն իտալական ակումբին պարտության մատնեցին 4:1 հաշվով:
Հիմնական ժամանակն ավարտվեց 3:1 հաշվով: Տանտերերի կազմում գոլերի հեղինակ դարձան Դիդիե Դրոգբան, Ջոն Թերրին ու Ֆրենկ Լեմպարդը, իսկ «Նապոլի»-ի կազմում աչքի ընկավ Գյոկհան Ինլերը:
Նշանակվեց լրացուցիչ ժամանակ. 105-րդ րոպեին Սերբիայի ազգային հավաքականի պաշտպան Բրանիսլավ Իվանովիչը, փոխանցում ստանալով Դիդիե Դրոգբայից, այդ խաղում խփեց «արիստոկրատներ»-ի 4-րդ գնդակը: «Չելսի»-ն քառորդ եզրափակիչում է:
«Չելսի» – «Նապոլի»` 4:1
1:0 Դրոգբա (28’), 2:0 Թերրի (47’), 2:1 Ինլեր (55’), 3:1 Լեմպարդ (75’,11մ), 4:1 Իվանովիչ (105’)
