Ավարտվեցին Իսպանիայի ընթացիկ առաջնության 27-րդ տուրի 4 հանդիպումներ:
Լա Լիգայի գործող առաջատար Մադրիդի «Ռեալ»-ը հյուրընկալվելիս 2:3 հաշվով դժվարին հաղթանակ տարավ «Բետիս»-ի նկատմամբ: Արդեն 10-րդ րոպեին դաշտի տերերը հաշվի մեջ առաջ անցան. գոլի հեղինակ դարձավ Խորխե Մոլինան: «Արքայական ակումբ»-ի ֆուտբոլիստներից հաշվի հավասարակշռությունը վերականգնելու համար պահանջվեց 15 րոպե, իսկ Ֆաբրիսիոյի պաշտպանած դարպասը գրավեց արգենտինացի հարձակվող Գոնսալո Իգուաինը:
52-րդ րեպեին «Ռեալ»-ի հարձակման առաջատար Քրիշտիանու Ռոնալդուն խփեց այդ խաղում իր թիմի երկրորդ գնդակը: Երեք րոպե անց Ալվարո Արբելոան ամեն ինչ արեց, որպեսզի «Բետիս»-ի ֆուտբոլիստները խաղի հաշիվը դարձնեն 2:2: Ի վերջո` իսպանացու ջանքերը պսակվեցին հաջողությամբ. դիպուկ հարված կատարեց Մոնտերոն:
Հերթական անգամ փրկիչի դերում հանդես եկավ ֆանտաստիկ արդյունավետություն ցույց տվող Քրիշտիանու Ռոնալդուն` 73-րդ րոպեին խփած գոլից հետո դառնալով դուբլի հեղինակ: Պորտուգալացին 27 տուրերում դարձել է 32 գոլի հեղինակ:
Կենտրոնական պաշտպանի դիրքում իր հերթական փայլուն հանդիպումն անցկացրեց Սերխիո Ռամոսը: Հավելենք, որ հանդիպման գլխավոր մրցավար Իտուրրալդե Գոնսալեսը երկու 11 մետրանոց հարված չնշանակեց «Ռեալ»-ի դարպասին: Գրանցվեցին հետևյալ արդյունքները`
«Բետիս»- «Ռեալ»` 2:3
1:0 Մոլինա (10’),1:1 Իգուաին (25’), 1:2 Ռոնալդու (52’), 2:2 Մոնտերո (55’), 2:3 Ռոնալդու (73’)
«Ռեալ Սոսյեդադ» – «Սարագոսա»` 3:0
1:0 Ագիրրեչե (19’), 2:0 Վելա (22’),3:0 Ագիրրեչե (40’)
«Մալագա» – «Լևանտե»` 1:0
1:0 Ռոնդոն (51’)
«Սպորտինգ» – «Սևիլիա»` 1:0
1:0 Կաստրո (32’)
Real Betis 2-3 Real Madrid by goalsarena2012-2
