ՌԴ Տամբովի մարզի Կոտովսկ քաղաքում գտնվող Wildberries լոգիստիկ կենտրոնի յոթ աշխատակից զոհվել է անօդաչու թռչող սարքի հարձակման հետևանքով, ըստ մարզի նահանգապետ Եվգենի Պերվիշովի։
«Գիշերային հերթափոխի յոթ աշխատակից զոհվել է, երբ ուկրաինական անօդաչու թռչող սարքերը հարվածել են Wildberries լոգիստիկ կենտրոնին։ Ես իմ ցավակցությունն եմ հայտնում բոլոր ընտանիքներին և ընկերներին, և մենք անպայման կօգնենք զոհվածների ընտանիքներին», – գրել է նա։
Նախնական տեղեկությունների համաձայն՝ ևս 24 մարդ վիրավորվել է և բժշկական օգնություն է ստանում Կոտովսկում և Տամբովում։
«Շտապօգնության մեքենաները, հրշեջ խմբերը, Արտակարգ իրավիճակների նախարարությունը և իրավապահ մարմինները արագորեն ժամանել են դեպքի վայր։ Wildberries պահեստում բաց կրակը մարվել է, և հրդեհաշիջման աշխատանքները շարունակվում են», – հավելել է նահանգապետը։
