Սիրիայում Ռուսաստանը պաշտպանում է ոչ թե կառավարող վարչակարգին, այլ արդարությունը, սիրիացի ժողվրդի խաղաղ ժողովրդավարական ընտրությունների սուվերեն իրավունքը՝ ընտրել այն կառավարությունը, որն ինքն է ուզում: Այսպիսի հայտարարություն է արել Ռուսաստանի արտգործնախարար Սերգեյ Լավրովը «Ռոսիյսկայա գազետա» թերթին տվածղ հարցազրույցում։
Նրա խոսքերով՝ Մոսկվան իր գործողությունները տանում է այդ ուղղությամբ, որոնք «միանգամայն համապատասխանում են ՄԱԿ-ի կանոնադրության հիմնական սկզբունքներին և, ընդհանուր առմամբ, միջազգային իրավունքին»:
«Մենք համոզված ենք, որ այդ նպատակին հասնելու ճանապարհը Սիրիայի բոլոր քաղաքական ուժերի և էթնոկոնֆեսիոնալ խմբերի ներքին երկխոսության մեջ է: Այլընտրանքը կործանիչ քաղաքացիական պատերազմն է»,- ընդգծել է Լավրովը:
Նախարարը համոզված է, որ ներքին հակամարտության կողմերից մեկին օգնություն ցուցաբերելու գիծը խաղաղություն չի բերի, ընդհակառակը, կհանգեցնի առանց այն էլ պայթյունավտանգ իրավիճակի հետագա սրմանը և հարված կհաացնի միջազգային կայունությանը:
Ուստի Լավրովը կոչ է արել մշակել ընդհանուր մոտեցումներ Սիրիայի իրադարձությունների վերաբերյալ, որոնք կնպաստեն խնդրի խաղաղ կարգավորմանը և չեն հակասի միջազգային իրավունքի նորմերին:
Այնուամենայնիվ, նախարարի խոսքով, վերջին իրադարձությունները ցույց են տվել, որ Արևմուտքը հրաժարվում է Սիրիայի հարցում համատեղ աշխատելուց:
Լավրովը նշել է, թե այնպիսի տպավորությւն է, որ իրենք այժմ շարժվում են արհեստական սխեմայով, որը հիմնված է Սիրիայում տեղի ունեցող իրադարձությունների սխալ պատկերի վրա: Այստեղից էլ գալիս են տարբեր մոտեցումները:
Նախարարը համոզված է, որ քանի դեռ գոյություն ունի «լիբական փորձի» վրա հիմված կարծրատիպը, միջազգային հանրությունն այպես էլ չի կարողանա իրական օգնություն ցուցաբերել սիրիացի ժողվրդին: Սիրիայի ճգնաժամը կարելի է հաղթահարել միայն իշխանությունների և ընդդիմադիր խմբերի միջև համընդհանուր երկխոսության միջոցով՝ առանց դրսի միջամտության:
Նախարարը հույս է հայտնել, որ Սիրիայում տեղի ունեցած հանրաքվեի փաստը վկայում է այն մասին, որ ժողովրդի մեծ մասն աջակցում է երկրում իշխանությունների կողմից անցկացվող բարեփոխումներին:
«Այսօր արաբական աշխարհը խոր տրասնֆորմացիաների շրջան է ապրում: Մարդիկ վճռականորեն ձգտում են ձեռք բերել քաղաքական իրավունքներ և ազատություններ, սոցիալական արդարություն և ավելի լավ կյանք: Այդ պահանջները մենք պաշտպանել ենք հենց սկզբից: Ընդ որում, մենք կարծում ենք, որ արաբ ժողովուրդները կարող են և պետք է իրենց ճակատագիրն ինքնուրույն որոշեն՝ առանց իրենց ներքին գործերին միջամտության»,- ասել է Լավրովը:
