Վրաստանի նախագահ Միխեիլ Սաակաշվիլին հրաման է ստորագրել, որի համաձայն՝ մինչև 90 օր ժամանակով Վրաստան ժամանած Ռուսաստանի քաղաքացիների համար չեղյալ է հայտարարում անցագրային ռեժիմը:
Ինչպես տեղեկացնում է Թիֆլիսում BBC-ի ռուսական ծառայության թղթակից Նինա Ախմեթելին, նախագահի հրամանագիրն արդեն հրապարակված է և ուժի մեջ է մտել:
Միաժամանակ, ինչպես տեղեկացնում է Дождь հեռուստաալիքը, իր թղթակցին Վրաստան ժամանելիս արդեն չորեքշաբթի երեկոյան անցագիր այլևս անհրաժեշտ չի եղել:
«Ինչպես տեսնում եք, մեզ մոտ ամեն ինչ արագ է արվում: Ասացինք, որ չեղյալ կհայտարարենք, և արդեն 5 րոպեի ընթացքում չեղյալ հայտարարեցինք»,- Дождь–ի լրագրողին ասել է Միխեիլ Սաակաշվիլին:
