Եգիպտացի կինը, որն աշխատում էր ՄԱԿ-ում որպես խորհրդական, կիրակի օրը սպանվել է Կահիրեում: Անվտանգության ուժերը հայտնում են, որ նրան կրակել են, երբ նա մեքենայով անցնում էր Կահիրեի փողոցներից մեկով:
Associated press-ի հաղորդմամբ՝ դեռևս պարզ չէ, թե արդյոք 41-ամյա Ներմի Գոմաա Խալիլը սպանվել է պատահակա՞ն հանցանքի ժամանակ, թե՞ կրակոցը միտումնավոր է եղել: Ոստիկանությունը հայտնել է, որ կնոջ վրա կրակել են մեկ այլ մեքենայից: Կրակողի ինքնությունը դեռևս պարզ չէ, և ոչ ոք չի ձերբակալվել:
Սա վերջին շրջանում անընդհատ տեղի ունեցող լուրջ հանցագործություններից միայն մեկն է Հոսնի Մուբարաքի՝ իշխանությունից հեռացվելուց հետո, երբ անվտանգությունը երկրում խաթարվեց: