Ընտրակաշառքները տնտեսության ակտիվացման առումով ոչ մի ազդեցություն չեն կարող ունենալ: Նման կարծիք «Առաջին լրատվական»-ի հետ զրույցում հայտնեց ԱԺ «Ժառանգություն» խմբակցության ղեկավար Ստյոպա Սաֆարյանը. «5 հազար դրամը ի՞նչ պետք է փոխի մարդկանց կյանքում»:
Այն դիտարկմանը, որ ներկայում խոսք է գնում 20-25 հազար դրամի չափով ընտրակաշառքների մասին, Ս. Սաֆարյանը պատասխանեց. «Չեմ կարծում, որ այդքան կարողանան բաժանել: Իհարկե մի քիչ փողի շարժ կլինի, մարդիկ իրենց պարտքերը կտան, բայց միամտություն է մտածել, որ դա տնտեսության վրա ինչ-որ ազդեցություն կթողնի: Եթե այդպիսի թեզ կա շրջանառության մեջ, որ դա կխթանի տնտեսական ակտիվությունը, ապա հասկանալի է, որ դրանով փորձում են լեգիտիմացնել կամ հիմնավորել իրենց հակաօրինական գործողությունը»:
