Մոսկվայաբնակ հայտնի հասարակական, կրթության և գիտության գործիչները մոսկվացիներին ուղերձ են ստորագրել դեկտեմբերի 26-ին նացիստների կազմակերպված հանրահավաքի նախօրեին: Հայտարարության մեջ ասվում է՝ «…դեկտեմբերի 11-ին «Մանեժնայա» հրապարակը դարձավ մեր խայտառակության հրապարակ, երբ այդ օրը բոլոր մոսկվացիների և ողջ ռուս ժողովրդի անունից խոսեցին նացիստները: Եգոր Սվիրիդովի սպանությունն օգտագործվել է իրենց այլանդակ նպատակների համար: Մոսկվայում, որը նախշված է սվաստիկայով, տեղի են ունենում ջարդեր մետրոյում և փողոցներում… սադրիչները և թերհասները փորձում են թելադրել կյանքի իրենց օրենքները, բայց այդ օրենքները երբեք չեն դառնա մերը: Մեր` տարբեր ազգությունների, զբաղմունքների և քաղաքական հայացքներով նորմալ մարդկանց թիվը բավական է, որպեսզի նրանց իրենց տեղը դնենք: Դրա համար անհրաժեշտ է ցուցաբերել կամք և պատասխանատվություն: Մենք կոչ ենք անում մոսկվացիներին կանգնել հանուն նորմալ կյանքի և մարդկային արժանապատվության.
Մոսկվան` մարդկանց համար, Ռուսաստանը` առանց նացիստների»:
Ուղերձի տակ ստորագրել են Լև Բոկերին, Ալեքսեյ Կորտնևը, Եվգենի Միրոնովը, Վլադիմիր Սպիվակովը, Վալերի Տոդորովսկին, Չուլպան Խամատովան, Եվգենիա Չիրիկովան:
