«ՀԺ»-ն գրում է, որ երեկ Խոր Վիրապ եկեղեցու բակում միջադեպ է տեղի ունեցել 2008-ի մարտի 1-ի զոհերի հարազատների և այդ գործով դատաքննություններում ներգրավված դատախազ Կորյուն Փիլոյանի միջև:
Փիլոյանը եկեղեցի էր գնացել ինչ-որ արտասահմանցիների հետ:
«Մոտեցա նրան ու հարցրի՝ ո՞նց ես, Փիլոյան, եկել ես մեղքերիդ թողությո՞ւն անելու: Հետո կանանցից մեկը նրան դիմեց՝ ասելով, որ իրավունք չունի մտնելու եկեղեցի, նրան «Մարտի 1-ի հանցագործ» անվանեց»,- տեղի ունեցածը նկարագրել Է մարտի 1-ին զոհված Գոռ Քլոյանի հայրը՝ Սարգիսը: Դատախազը հարձակվել Է կանանց վրա ու նրանց հասցեին օգտագործել «ս…դ քաշի», «համաշխարհային պոռնիկներ» արտահայտությունները:
Մարտի 1-ի զոհերի հարազատները, Հայ ազգային կոնգրեսի ներկայացուցիչները Խոր Վիրապում էին զոհերից Սամվել Հարությունյանի ծննդյան 32-ամյակի կապակցությամբ, որ լրացել Է երեկ: Հարությունյանը հուղարկավորված է Խոր Վիրապին մերձակա գերեզմանատանը»:
