Իրանի ֆուտբոլի ֆեդերացիան պատրաստվում է պաշտոնական դիմում ներկայացնել ՖԻՖԱ-ին՝ կապված վիզայի և լոգիստիկ սահմանափակումների հետ, որոնք, իրանցի կողմի գնահատմամբ, խախտում են աշխարհի առաջնությանը մասնակցող հավաքականների համար հավասար պայմանների սկզբունքը։
Տեղեկությունների համաձայն՝ Իրանի հավաքականին թույլատրվել է մուտք գործել ԱՄՆ-ի Լոս Անջելես քաղաք միայն խաղից մեկ օր առաջ, մինչդեռ թիմը նախապես խնդրել էր երկու օր՝ լիարժեք պատրաստվելու համար։ Իրանի ֆեդերացիայի հայտարարության մեջ նշվում է, որ նման սահմանափակումները հակասում են մրցաշարի արդարության սկզբունքին և կարող են բացասաբար ազդել թիմի պատրաստության վրա։
Հիշեցնենք, որ 2026 թվականի աշխարհի առաջնությունը անցկացվում է ԱՄՆ-ում, Կանադայում և Մեքսիկայում։ Մրցաշարում առաջին անգամ մասնակցում է 48 հավաքական, իսկ գործող չեմպիոնը Արգենտինայի հավաքականն է։
