РБК-ն հայտնել էր, որ ռուսական «МИР» վճարային համակարգի քարտերը մարտի 30-ից կդադարեն գործել Հայաստանի բանկերի մեծ մասի բանկոմատներում և տերմինալներում․ բացառություն կլինի միայն «ՎՏԲ Հայաստան»-ը:
Որպես պատճառ նշվում էր «МИР» համակարգի նկատմամբ ամերիկյան պատժամիջոցների կիրառումը։
Radar Armenia-ն պարզաբանում ստանալու նպատակով հարցում էր ուղարկել Կենտրոնական բանկ, որտեղից պատասխանել են.
«ՀՀ առևտրային բանկերն ինքնուրույն են որոշում՝ որ վճարային համակարգերի հետ համագործակցել, ելնելով իրենց ռիսկերի կառավարման ռազմավարությունից, այդ թվում՝ կապված պատժամիջոցների հետ: Ինչ վերաբերում է հաճախորդների սպասարկմանը, առևտրային բանկերն իրենց սպասարկման պայմանների փոփոխությունների դեպքում պարտավոր են պատշաճ տեղեկացնել իրենց հաճախորդներին»։
