Մեծ Բրիտանիայի օդերեւութաբանական ծառայությունը հայտարարել Է, որ 1990 թվականից ծովի մակարդակը Միացյալ Թագավորության ափերի մոտ 16,5 սանտիմետրով բարձրացել Է կլիմայական փոփոխւթյունների պատճառով: Այդ մասն հայտնել Է Բի բի սի հեռուստառադիոհաղորդումների կորպորացիան՝ վկայակոչելով գերատեսչության զեկույցը:
Ըստ որում ծովի մակարդակն, ինչպչես արձանագրում են փորձագետները, տարեկան բարձրանում Է 3 – 5,2 միլիմետրով, ինչն ավելի քան կրկնապատիկ գերազանցում Է XX դարի սկզբի նույն ցուցանիշները: Դրա հետեւանքով մեծանում Է ափային գծի Էրոզիան, ինչը փոթորիկների ժամանակ հանգեցնում Է բարձր ալիքների: Կլիմայի փոփոխությունը «մոտ ապագայում կարագացնի» այդ միտումը, նշում Է Մեծ Բրիտանիայի Օվկիանագրության կենտրոնի աշխատակից Սվետլանա Ջեւրեջեւան:
Հեղեղման սպառնալիքի տակ կարող Է հայտնվել, հետազոտողների գնահատմամբ, շուրջ 500 հազար տուն: Ինչպես ավելի վաղ հաղորդվել Է, մինչեւ 2050 թվականը ծովի մակարդակը Բրիտանական կղզիների մերձակայքում կբարձրանա 35 սանտիմետրով: Առավել խոցելի շրջանների թվում են որոշ քաղաքներ Անգլիայի հյուսիս – արեւմուտքում, հարավ – արեւմուտքում եւ հարավ – արեւելքում:
Գիտնականները նախազգուշացնում են, որ այդ շրջանների բնակիչները պետք Է պատրաստ լինեն տեղեփոխվելու, եթե իրենց տները հայտնվեն ռիսկի գոտում: Այդ տնային տնտեսությունների պահպանումը բնակության համար կլինի անհնար կամ տնտեսապես անշահավետ, գտնում են մասնագետները, հաղորդել Է ՏԱՍՍ-ը:
