Սլովենիայում ավարտված շախմատի Եվրոպայի անհատական առաջնության վերջին տուրում Գաբրիել Սարգսյանը ոչ-ոքի խաղալով Իսպանիայի ներկայացուցիչ Լատասա Սանտոսի հետ նվաճեց արծաթե մեդալ: Գաբրիել Սարգսյանը 11 հնարավորից հավաքելով 8․5 միավոր, ինչը բավական բարձր արդյունք է: Մրցաշարի հաղթող դարձավ գերմանացի Մատիաս Բլյուբաում, որը ևս վաստակեց 8․5 միավոր: Վերջին տուրից առաջ Գաբրիել Սարգսյանը և Բլյուբաումը 8 միավորով գլխավորում էին մրցաշարային աղյուսակը: Մեր շախմատիստը երեկ պարտիան ավելի շուտ ավարտեց և սպասում էր գերմանացի շախմատիստի արդյունքին։ Ոսկե մեդալ նվաճելու համար Բլյուբաումին բավարարում էր նաև ոչ-ոքի արդյունքը։ Գերմանացին ռիսկի չդիմելով հասավ իր նպատակին։ Գաբրիել Սարգսյանին առաջին լրացուցիչ ցուցանիշում շատ քիչ չհերիքեց, որպեսզի արժանանա ոսկե մեդալի, բավարարվելով Եվրոպայի փոխչեմպիոնի տիտղոսով: Ամեն դեպքում սա շատ մեծ նվաճում է Սարգսյանի և Հայաստանի համար նման ուժեղ մրցաշարում:
Հայ շախմատիստներից հիանալի հանդես եկան նաև պատանի Սամվել Տեր-Սահակյանը, Շանթ Սարգսյանը, Հայկ Մարտիրոսյանը և Մանուել Պետրոսյանը: Վերջիններս հավաքելով 7,5 միավոր զբաղեցրեցին համապատասխանաբար՝ 12-րդ, 13-րդ, 22-րդ և 23-րդ հորիզոնականները: Գաբրիել Սարգսյանը, Սահմվել Տեր Սահակյանը և Շանթ Սարգսյանը իրավունք ստացան մասնակցելու աշխարհի գավաթի խաղարկությանը։ Շախմատի Եվրոպայի անհատական առաջնությունը բաղկացած էր 11 տուրից և անցկացվեց շվեյցարական մրցակարգով: Մրցանակային ֆոնդը կազմում էր 100 հազար եվրո, որից առաջին հորիզոնականը զբաղեցրած շախմատիստը ստվացավ 20 հազար, երկրորդը` 15 հազար և երրորդը` 10 հազար եվրո: Ինչև Գաբրիել Սարգսյանի նվաճում ցույց տվեց, որ Լևոն Արոնյանի հեռանալուց հետո մեր երկորւմ շախմատը ոչ միայն շարունակում է շնչել, այլև բարձունքներ է նվաճում։ Վստահաբար կարող ենք ասել, որ ի դեմս Գաբրիել Սարգսյանի հայկական շախմատն ունի նոր առաջատար։
Գոհացնող են նաև մեր մյուս գրոսմայստերների ելույթները Եվրոպայի առաջնությունում։ Չմոռանանք, որ անցյալ տարի տեղի ունեցած Եվրոպայի կանանց անհատական առաջնությունում ոսկե մեդալ նվաճեց մեր կանանց հավաքականի առաջատար Էլինա Դանիելյանը։ Վերջինիս հաղթանակը մեծ իրադարձություն էր հայկական շախմատում։ Կանանց շախմատում նման հաջողությունը դեռևս չէինք ունեցել։ «Հայաստանում շախմատ կա։ Շատ են երիտասարդ տաղանդավոր շախմատիստները, որոնք սակայն աջակցություն չեն ստանում։ Այնուամենայնիվ, դժվար է ստեղծել այնպիսի պայմաններ որ նրանք շախմատ չխաղան։ Ես շատը գնացել եմ նրա համար, որ շախմատը Հայաստանում մնա։ Երբ զգում ես, որ քեզ չեն հարգում, ուրեմ քեզ հետ հույսեր չեն կապում։ Խոսքը երկրի ղեկավարության մասին է։ Ես նրանց հետ խնդիր չունեմ։ Ես գիտեմ ով եմ շախմատում ու գիտակցում եմ, որ եթե ուզում եմ հաջողությունների հասնեմ պետք է տեղափոխվեմ այնպիսի եկիր որտեղ ավելի հանգիստ կլինի» , «Կերպարից դուրս» հաղորդմանը տված հարցազրույցում հայտարարել էր Լևոն Արոնյանը։ Հարցին թե հայկական շախմատում ինչ է փոխվել 2018 թվականի հեղափոխությունից հետո Լևոն Արոնյանը մասնավորապես ասել էր․ «Ես ֆինանսապես շատ ապահով մարդ եմ և ինձ շատ բան պետք չէ։ Շատ երկրներում պարապմունքների և մի տեղ գնալու ծախսերը պետության համար խնդիր չէ։ Մեր եկրում մինչև հեղափոխությունը դա պետությունն էր անում։ Հեղափոխությունից հետո դա իներցիայով մեկ տարի շարունակվեց։ Հետո ասեցին խոսենք ապագայի մասին։ Ես խախտելով պլաններս առավոտյան գնացի հանդիպման։ Այնտեղ ասացին, որ արի վաղը խոսենք։ Մտածեցի լավ, եկա հաջորդ օրը, և ինձ այս անգամ էլ ասեցին, կխոսենք հաջորդ շաբաթ։ Երբ փոխում ես քո պլանները և նման վերաբերմունքի ես արժանանում հասկանում ես, որ դրանք քեզ ուղղված մեսիջներ են։ Այսինքն քեզ հասկացնում են, որ այպես ա լինելու։ Ես իմ կյանքում որևէ մեկից չեմ նեղացել, բայց երբ ցանկանում ես աշխատել հասնել ,մաքսիմումին ու քեզ հասկացնում են, որ քո արածներն անիմաստ է․․․։ Այս ամենը նեղելու է քեզ և ես լարվելու եմ։ Իսկ լարվածության պայմաններում աշխատելը օգուտ չի բերի»։
Ինչ է ստացվում, Արոնյանի հեռանալուց հետո Հայաստանը անհատական մրցումներում ունեցավ Եվրոպայի չեմպիոն և Եվրոպայի փոխչեմպիոն։ Ստացվում է, որ մեր առաջատարի հեռանալուց շախմատը Հայաստանում իսկապես կա և շարունակում է առաջ ընթանալ։
