Իրանում Միացյալ Նահանգների պատերազմն ԱՄՆ պետբյուջեի վրա արժեցել է 37,5 միլիարդ դոլար. հայտարարել է Պենտագոնի ղեկավար Փիթ Հեգսեթը։
Հեգսեթը Վաշինգտոնում կայացած լսումների ժամանակ օրենսդիրներին հայտնել է, որ 37,5 միլիարդ դոլարը ներառում է պատերազմի որոշակի ասպեկտներ, ինչպես նաև մինչև սեպտեմբերի 30-ը նախատեսվող ծախսերը:
արտին «Reuters»-ին անանուն մնացած մի աղբյուր հայտնել էր, որ Թրամփի վարչակազմի գնահատմամբ՝ պատերազմի առաջին վեց օրը նվազագույնը 11,3 միլիարդ դոլար է նստել երկրի վրա:
Անցյալ ամիս Թրամփը Կոնգրեսից խնդրել էր գրեթե 90 միլիարդ դոլարի լրացուցիչ ֆինանսավորում, որի մեծ մասը կապված է իրանական հակամարտության հետ՝ հիմք նախապատրաստելով հերթական պայքարի համար այն օրենսդիրների հետ, ովքեր հիասթափված են պատերազմից և կանգնած են նոյեմբերյան միջանկյալ ընտրությունների շեմին:
Այն բանից ի վեր, երբ փետրվարի 28-ին ԱՄՆ-ն և Իսրայելը սկսեցին ռմբակոծել Իրանը, թե՛ հանրապետական, թե՛ դեմոկրատ օրենսդիրները դժգոհում են, որ Թրամփն ու իր թիմը իրենց տեղյակ չեն պահում հակամարտության ընթացքի կամ իրենց ունեցած ծրագրերի մասին:
