ԱՄՆ նախագահ Դոնալդ Թրամփը ցանկանում է ՄԱԿ-ի գլխավոր քարտուղարի պաշտոնում տեսնել ՖԻՖԱ-ի նախագահ Ջանի Ինֆանտինոյին։ Այս մասին հայտնում է New York Post-ը։
Թարմացված տվյալներով՝ Ինֆանտինոն և Թրամփը մտերմացել են 2026 թվականի աշխարհի առաջնության նախապատրաստական աշխատանքների ընթացքում, իսկ դեկտեմբերին ՖԻՖԱ-ի ղեկավարն ԱՄՆ նախագահին էր հանձնել խաղաղության մրցանակը։
Թրամփը կարծում է, որ Ինֆանտինոն վայելում է համաշխարհային հարգանք և օժտված է մարդկանց միավորելու հատուկ ունակությամբ։
Թեև դեռևս հայտնի չէ՝ արդյոք Ինֆանտինոն ինքը ցանկանում է գլխավորել ՄԱԿ-ը, Թրամփն այս հնարավորությունը խոստումնալից է համարում առկա այլ թեկնածուների ֆոնին։
Պաշտոնը ստանալու համար Ինֆանտինոն նախ պետք է ստանա ՄԱԿ-ի Անվտանգության խորհրդի 15 անդամների (այդ թվում՝ վետոյի իրավունք ունեցող հինգ մշտական անդամների) հավանությունը, որից հետո նրա թեկնածությունը կհաստատվի Գլխավոր ասամբլեայի կողմից։
