Գիտնականները կանաչ թեյն անվանել են խմիչք, որն արդյունավետորեն այրում է որովայնի ճարպը հաղորդում է բրիտանական Express պարբերականը:
Մասնագետները բացատրել են, որ որովայնի ճարպն առաջանում է այնպիսի կարևոր օրգանների մոտ, ինչպիսիք են լյարդը և աղիները, ինչը կարող է հանգեցնել սրտի հիվանդությությունների և 2 -րդ տիպի շաքարախտի առաջացման: Գիտնականները հետազոտություն են անցկացրել չափահաս չինացիների շրջանում, որոնց մոտ առկա է որովայնի ներքին օրգանների ճարպի մեծ քանակություն: Նրանք բաժանվել են երկու խմբի, որոնցից մեկն օրական 12 շաբաթ շարունակ կատեխիններով հարուստ կանաչ թեյ է օգտագործել:
Փորձը ցույց է տվել, որ կանաչ թեյ խմողների մոտ որովայնի ճարպը և մարմնի քաշը զգալիորեն նվազել է կատելիններով հարստացված կանաչ թեյի օգտագործման շնորհիվ: Գիտնականները կարծում են, որ կանաչ թեյն արագացնում է նյութափոխանակությունը՝ օգնելով մարմնին ավելի շատ կալորիաներ այրել:
Նրանց համար, ովքեր ցանկանում են ազատվել որովայնի ճարպից, փորձագետները նաև խորհուրդ են տալիս օրական առնվազն հինգ չափաբաժին միրգ և բանջարեղեն օգտագործել, ինչպես նաև սննդակարգին ավելացնել բջջանյութերով հարուստ օսլա պարունակող սնունդ: Բացի այդ, հարկավոր է խուսափել սննդին աղ կամ շաքար ավելացնելուց: Հարկավոր է նաև խմել ցածր յուղայնությամբ կաթնային կամ կալցիումով հարստացված սոյայի ըմպելիքներ և օրական վեցից ութ բաժակ ջուր խմել: