Կորեական ավիաընկերությունն իր ուղևորներին նոր թրենդ է առաջարկել՝ թռիչքներ ոչ մի տեղ: Դրանք կարճատև օդային շրջագայություններ են: Ընդ որում, մեկնման և ժամանման օդանավակայանը նույնն է:
Ամբողջ աշխարհում մեկ տասնյակից ավելի ավիաընկերություններ նման կերպ են դիմակայում վնասներին: Տեսարժան շրջագայությունների տոմսեր են վաճառվում Ռուսաստանում, Թայվանում, Սինգապուրում, Ավստրալիայում և Ճապոնիայում:
Կորեայում առայժմ նախատեսվում է միայն մեկ թռիչք՝ փետրվարի 27-ին: Airbus A380-ը կթռչի Ինչհոն օդանավակայանից և ուղևորներին կպտտի Ճապոնական ծովի, Կորեայի նեղուցի, Պուսան քաղաքի և Չեջուդո կղզու վրայով:
