ԱՄՆ նախագահ Ջո Բայդենի վարչակազմը մտադիր է վերանայել աֆղանական արմատական «Թալիբան» շարժման հետ պայմանագրերը, որոնք նախկինում ստորագրվել էին Դոնալդ Թրամփի նախագահության օրոք: Այս մասին հաղորդում է Reuters- ը:
Գործակալության տեղեկություններով՝ այս մասին անվտանգության հարցերով ամերիկյան առաջնորդի խորհրդական Ջեյք Սալիվանը հայտաարարել է Աֆղանստանում իր գործընկերոջ հետ հեռախոսազրույցի ընթացքում:
Այս որոշման պատճառների մասին դեռևս չի հաղորդվում: Բացի այդ, նյութում հստակ չի նշվում, թե պայմանագրերի որ կետերն են պատրաստվում վերանայել Սպիտակ տանը:
2020 թվականի փետրվարի վերջին Միացյալ Նահանգները և աֆղանական արմատական «Թալիբան» շարժումը ավելի քան 18 տարվա պատերազմի ընթացքում առաջին անգամ խաղաղության համաձայնագիր ստորագրեցին:
Պայմանավորվածությունների համաձայն՝ գործարքի կնքումից 14 ամիս անց ամերիկյան զորքերը պետք է հեռանան Աֆղանստանից:
Անցյալ տարվա նոյեմբերին ԱՄՆ պետքարտուղար Մայք Փոմպեոն բանակցություններ էր վարել Աֆղանստանի իշխանությունների ու «Թալիբան» շարժման հետ, որոնց արդյունքներից, իր խոսքերով, գոհ էր մնացել։