Հայաստանի ֆուտբոլի առաջնության բարձրագույն խմբի 22-րդ տուրի շրջանակներում մրցեցին «Լոռի»-ն և «Ալաշկերտ»-ը:
Վանաձորի ակադեմիայի մարզադաշտում կայացած խաղում «Ալաշկերտ»-ն առավելության հասավ «Լոռի»-ի նկատմամբ 0:2 հաշվով: Երևանյան ակումբի կազմում աչքի ընկան Գուստավո Մարմենտինին և Տյագո Գալվաո դա Սիլվան:
Նախօրեին կայացած խաղում «Շիրակ»-ը Գյումրիում հաղթել էր «Նոա»-ին, իսկ «Արարատյան դերբի»-ում առավելությունը «Արարատ-Արմենիա»-ինն էր:
Այս տուրի ևս մեկ հանդիպում կկայանա հունիսի 13-ին` «Գանձասար-Կապան»-ը կմրցի «Փյունիկ»-ի հետ:
