Թուրքիայի մայրաքաղաք Անկարայի առաջին ատյանի դատարանը ապրիլի 9-ին վճիռ է կայացրել Youtube ծառայության հասանելիությունն արգելափակումից հանելու վերաբերյալ: Համապատասխան հայցադիմումը ընկերության անունից դատարան է ներկայացրել թուրք փաստաբան Գենենչ Գյուրքայնաքը, գրում է ITAR-TASS-ը:
Դատարանի վճիռն ուղարկվել է վերահսկիչ մարմիններ, որոնք ծառայության հասանելիությունը սահմանափակելու վերաբերյալ որոշում էին ընդունել:
Հիշեցնենք, որ Youtube ծառայությունն արգելափակվել է մարտի 27-ին`այն բանից հետո, երբ այնտեղ են հայտնվել Թուրքիայի կառավարության`Սիրիայի վերաբերյալ գաղտնի խորհրդակցության տեսագրությունները:
