Սփյուռքը զորակցություն է հայտնում «Դեմ եմ» նախաձեռնությանը: Այսօր Աատության հրապարակում տեղի ունեցած հանրահավաքի ժամանակ ասաց «Դեմ եմ» նախաձեռնության անդամ Հայկ Ավետիսյանը՝ ընթերցելով Հայկան վերածնունդ շարժման Կանադայի, Ռուսաստանի, Ֆրանսիայի և մի շարք այլ երկրների մասնաճյուղերի հայտարարությունը:
«Կառավարությունն իր վարած սնանկ քաղաքականության արդյունքում հայտնվել է պետական գանձարանի դատարկության առջև և այդ դատարկությունը փորձում է լցնել ժողովրդին կեղեքելով, աշխատող երիտասարդների աշխատավարձերից պարտադիր կուտակային գանձումներով: Չնայած նախաձեռնության առժամանակ սառեցմանը՝ շարունակվում են պահումները, ինչն էլ դժգոհության հուժկու շարժում է ծնել: Դիմում ենք իշխանություններին՝ սթափվել և հաշվի նստել երիտասարդների կարծիքի հետ՝ հանուն հայ ժողովրդի»,- հայտարարությունն ընթերցելով ասաց Հայկ Ավետիսյանը:
Ժիրայր Սեֆիլյանն էլ իր հերթին նկատեց, որ 23 տարի առաջ պատիվ է ունեցել գլխավորել 54 հոգանոց ջոկատ, որը մուտք է գործել Ստեփանակերտ: «Այդ օրերին քչերն էին հավատում, որ կարող էինք ազատագրել Արցախը, սակայն փոքրաթիվ ջակատներով կարողացանք անել դա: Մեր սերունդը մատաղ սերնդին ժառանգեց մեծ նվաճում, գերեվարված հողը վերադարձավ մայր Հայաստանի գիրկը»,- նշեց նա՝ հավելելով, որ այսօրվա իշխանությունները կեղեքում են ժողովրդին
Անդրադառնալով ներքաղաքական կյանքին՝ Ժիրայր Սեֆիլյանը նկատեց, որ հայերի պայքարի կամքը չի անհետացել՝ ի դեմս «Դեմ եմ» նախաձեռնության: «Հերթական անգամ հայտնվել են մարդիկ, ովքեր խոսում են Ղարաբաղի՝ Ռուսաստանի կազմ անցնելու մասին: Նման պնդումները սին են: Մեր պատմությունը մենք ենք կերտում, մենք ենք տերը մեր երկրի»,- ասաց Սեֆիլյանը:
