Լիբիայի կառավարությունը դիմել է միջազգային հանրությանը՝ խնդրելով երկրի իշխանություններին աջակցել ահաբեկչական խմբավորումների դեմ պայքարում: Այս մասին հաղորդում է Reuters գործակալությունը:
Լիբիայի կառավարությունը նշում է, որ մի շարք ահաբեկչական խմբավորումներ «պատերազմ են հայտարարարել» Լիբիայի իշխանություններին Բենղազիում, Ալ-Սիրդում և այլ քաղաքներում, ինչի կապակցությամբ կառավարությունը մտադիր է պատասխան միջոցներ ձեռնարկել:
«Լիբիայի ժամանակավոր կառավարությունը դիմում է միջազգային հանրությանը, մասնավորապես ՄԱԿ-ին՝ խնդրելով օգնություն տրամադրել ահաբեկչությունն արմատախիլ անելու համար… Կառավարությունը հաստատում է, որ ցանկանում է որքան հնարավոր է արագ պատերազմ սկսել ահաբեկչության և դրա հանցավորությունների դեմ»,- ասվում է կառավարության հայտարարության մեջ:
Միևնույն ժամանակ իշխանությունները չեն հստակեցնում՝ ինչ օգնություն է իրենց անհրաժեշտ:
