Համաշխարհային բանկը հայտարարել է 2014-ին Թունիսին 1.2 մլրդ դոլար ֆինանսական օգնություն տրամադրելու մասին՝ երկրում ժողովրդավարական ինստիտուտների զարգացման համար: Այս մասին հաղորդում է ITAR-TASS-ը՝ վկայակոչելով Մերձավոր Արևելքի և Հյուսիսային Աֆրիկայի հարցերով Համաշխարհային բանկի փոխնախագահ Ինգեր Անդերսենին:
Տրամադրված միջոցներից մոտ 750 մլն դոլարը կուղղվի կառավարական բարեփոխումներին, որոնք կնպաստեն երկրի տնտեսական աճին և նոր աշխատատեղերի ստեղծմանը:
300 մլն-ը կհատկացվի տեղի ինքնակառավարման աջակցությանը, 100 մլն-ը՝ փոքր և միջին բիզնեսի վարկավորման բազայի ձևավորմանը: Իսկ ևս 50 մլն-ը կհատկացվի արդյունաբերության այն ոլորտների աջակցությանը, որոնցում Թունիսի ընկերությունները մրցունակություն են ցուցաբերում:
