Թավշյա հեղափոխությունից անցել է մեկ տարի՝ 2018 թվականի այս օրը Սերժ Սարգսյանը հրաժարական տվեց։ Ըստ Ձեզ, ի՞նչ փոփոխություններ են եղել հետհեղափոխական Հայաստանում, և ի՞նչը հատկապես կկարևորեիք. «Առաջին լրատվական»-ի այս հարցին հայ իրավաբանների Մարդու իրավունքների հանձնախմբի ատենապետ Կարո Ղազարյանը պատասխանեց․ «Առաջին հերթին՝ հեղափոխության մեկ տարին նշելը ինձ համար հպարտություն և ուրախություն է, որովհետև վերջին տարիներին հաճախ լինելով Հայաստանում և մոտիկից հետևելով՝ ես զգացի Հայաստանում բնակվող հայ ազգի առօրյա դժգոհությունը։ Վերջիվերջո տեղի ունեցավ հայ ազգի ինքնաբուխ ինքն իրեն ազատագրումը։ Մենք Լոս Անջելեսում շատ ուրախացանք, մեր հավաքներով սատարեցինք հեղափոխությանը, որովհետև դա իսկապես հայ ազգի վերածնունդն էր, ազատագրումն էր։ Ճիշտ է՝ մենք ունեցել ենք 1918-ի անկախությունը, 1991-ի անկախությունը, սակայն 2018-ի ապրիլի 23-ի սիրո և ոչ բռնի հեղափոխությունը օրինակ դարձավ համայն աշխարհի համար»։
Կարո Ղազարյանը նաև հավելեց, որ շատ բատ բան է փոխվել այս մեկ տարվա ընթացքում. «Առաջինը՝ ճիշտ է, այսօր նշվում է հեղափոխության մեկ տարին, բայց ինձ համար շատ ցավալի է, երբ տեսնում ու լսում եմ այն քննադատությունները, որոնք հնչում են տարբեր շրջանակներում։ Մարդիկ մոռանում են, որ այս կառավարությունը պետք է բավական աջակցություն ստանա, որպեսզի կարողանա քայլ առ քայլ կատարել բարեփոխումներ, այլ ոչ թե մեկ օրվա մեջ»։
Մանրամասն՝ տեսանյութում։
