Հարկային օրենսգրքի շուրջ թեժ քննարկումներ են ընթանում: Թեմայի շուրջ «Առաջին լրատվական»-ի հետ զրույցում ԱԺ Տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը նշեց, որ ութ ամիս է կառավարությանը չի հաջողվում բիզնեսի համար սահմանադրություն համարվող փաստաթուղթը՝ Հարկային օրենսգրքի փաթեթը վերջնական տեսքով ներկայացնել Ազգային ժողով: Նրա խոսքով՝ բազմաթիվ խնդիրներ կան:
«Այս փուլի համար հիմնական քաղաքական ուղերձն այն է, որ եթե սպասում ենք մեծածավալ ներդրումների, իսկ տնտեսական հեղափոխության հիմքը հենց ներդրումների ներգրավումն է, ապա Հարկային օրենսգրքի ուշացնելը կամ առաջարկների վերաբերյալ վնաս տվող, անորակ քննարկումները պրոբլեմի առաջ են կանգնեցնում»,- նշեց Մելքումյանը՝ ընդգծելով, որ դեռևս կոնսենսուս չկա ոչ միայն բիզնես հանրույթի, այլ նաև մասնագետների շրջանակներում:
Տնտեսագետի խոսքով՝ այն տնտեսավարող սուբյեկտները, որոնց իրացման շրջանառությունները 58.35 մլն դրամից մինչև 115 մլն դրամի սահմաններում են, թեկուզև ազնիվ հարկատուներ լինեն, այլևս չեն կարող վերադառնալ շրջանառության հարկին:
Մելքումյանը նաև ընդգծեց, որ եկամտահարկի իջեցումը փորձում են լրացնել ակցիզային հարկով:
Մանրամասն՝ տեսանյութում:
