«Ընդհանուր ՓԲԸ-ի դեկտեմբեր ամսվա հոսանքի վարձը կազմել է 2 մլն 400 հազար դրամ»,- լրագրողների հետ զրույցում ասաց «Հայավտոկայարան» ՓԲԸ-ի գլխավոր տնօրեն Աշոտ Մնացականյանը և հավելեց, որ էլցանցի հետ համատեղ ստեղծվել է աշխատանքային խումբ, շրջել են բոլոր ավտոկայաններով, արձանագրել են խնդիրը, արձանագրությունն ուղարկել են Պետգույքի կոմիտե, որից հետո դիմել են ոստիկանություն:
Նրա խոսքով՝ հոսանքի արտահոսքը հաստատ կա, ինչն էլ պարզում են իրավապահ մարմինները. «Փաստորեն հոսանքը գողացել են, որովհետև մենք տարեկան նախահաշիվ ենք կազմում, և օրինակ՝ կենտրոնական ավտոկայանի մեր տարեկան ծախսը կազմելու է, ասենք, 200 հազար դրամ: Այնպես որ՝ աբսուրդ է էդ թիվը»:
Տնօրենը նշեց, որ այդ գողությունը տարիներ շարունակ է տեղի ունեցել. «Ուղղակի երևի կամքն է պակասել, որպեսզի այս հարցին լուծում տանք»:
Առավել մանրամասն՝ տեսանյութում:
