Ավելի քան 5.5 հազար բելգիացի «ծովափղեր» Նոր տարվա կապակցությամբ ավանդաբար լողացել են Հյուսիսային ծովում: «Ծովափղերի» կամ ինչպես Բելգիայում են նրանց անվանում՝ «բևեռային արջերի» լողին ափից հետևել է ավելի քան 10 հազար հանդիսատես՝ հայտնում է ITAR-TASS-ը:
Օսթենդ քաղաքի առողջարանային գոտում, որտեղ անցկացվել է զանգվածային լողը, ծովի ջրի ջերմաստիճանը հասել է 9 աստիճան Ցելսիուսի: Լողից հետո տաքանալու համար «բևեռային արջերը» հենց լողափին կազմակերպել էին ինքնաբուխ դիսկոտեկ: Տաք ապուրից բացի՝ հարազատները լողորդներին հյուրասիրել են տեղի գիհիի օղիով:
