Այն ընթացքը, որի մեջ գտնվում է Հայաստանը, բավականին անշրջելի է: Ընտրությունները եթե լինեն վաղը, կես տարի կամ մեկ տարի հետո, ո՞վ կարող է մրցել նոր քաղաքական շրջանակի հետ, որը եկել է իշխանության հանրային հենքի վրա: Եթե անգամ նման փորձեր լինեն, կտապալվեն, այլևս վերադարձ դեպի անցյալ չկա,- «Առաջին լրատվական»- ի հետ զրույցում ասաց հրապարակախոս Արա Նեդոլյանը:
Նրա կարծիքով՝ եթե ներքին ֆորսմաժորային իրավիճակ ստեղծվի, շատ արագ կտապալվի և անգամ կամրապնդի եղած փոփոխությունների անշրջելիությունը, իսկ արտաքին ֆորսմաժորին դիմակայելու Հայաստանի հնարավորությունը չի նվազել:
«Որպես սոցիալտնտեսական քաղաքականության գլխավոր մաս պետք է լինի աշխատանքի և կապիտալի հարաբերությունների կարգավորում»,- ընդգծեց հրապարակախոսը:
Նրա դիտարկմամբ՝ ժողովուրդը ներառված էր կոռուպցիայի մեջ. 10 000 դրամ ընտրակաշառք վերցնելը կոռուպցիա էր: «ժողովուրդը չէր տեսնում քաղաքական, տնտեսական, մշակութային երևույթի մասնակցելու հնարավորություն, որը իր կարգավիճակը կփոխեր դեպի լավը: Կոռուպցիան նսեմացնում է մարդուն: Մարդը եթե անգամ պետության հետ կոռուպցիոն համագործակցություն է կատարում, նա իրեն վիրավորված է զգում: Չի կարելի համարել, թե ժողովուրդը չգիտի՝ ինչ է ժողովրդավարությունը, ինչ է օրինականությունը, ինչ է արդարությունը…. Ժողովրդավարությունը եվրոպական արժեք է»,- նշեց Արա Նեդոլյանը:
Մանրամասն՝ տեսանյութում:
